कालिकादेवी माध्यमिक विधालयको आधिकारिक वेबसाइटमा यहाँहरू सम्पूर्णमा हार्दिक स्वागत तथा शुभकामना व्यक्त गर्दछु।

शिक्षा व्यक्तिको जीवनलाई सही दिशा दिने र समाजको समग्र रूपान्तरणको आधार तयार गर्ने महत्वपूर्ण माध्यम हो। हरेक बालबालिकाभित्र रहेको प्रतिभा, क्षमता र सम्भावनालाई पहिचान गरी त्यसको विकास गर्न गुणस्तरीय, समावेशी, व्यावहारिक र जीवनोपयोगी शिक्षा आवश्यक हुन्छ। यसै उद्देश्यलाई केन्द्रमा राख्दै कालीकादेवी माध्यमिक विद्यालयलाई अनुशासित, विद्यार्थीमैत्री, सिर्जनशील र उत्कृष्ट शैक्षिक संस्थाका रूपमा विकास गर्न विद्यालय व्यवस्थापन समिति प्रतिबद्ध रहेको छ।वर्तमान समय विज्ञान, प्रविधि, सूचना र तीव्र परिवर्तनको युग हो। यस परिवेशमा विद्यार्थीलाई केवल पाठ्यपुस्तकको ज्ञानमा सीमित नराखी आवश्यक ज्ञान, सीप, नैतिक मूल्य, सकारात्मक सोच, आत्मविश्वास, सिर्जनशीलता र सामाजिक उत्तरदायित्वसहित भविष्यका सक्षम नागरिकका रूपमा तयार गर्नु हाम्रो साझा दायित्व हो।

विद्यालयको प्रगति शिक्षक, विद्यार्थी, अभिभावक, व्यवस्थापन समिति र समुदायबीचको सहकार्य, विश्वास र समन्वयमा निर्भर गर्दछ। विद्यालयको शैक्षिक गुणस्तर अभिवृद्धि, भौतिक पूर्वाधार विकास तथा विद्यार्थीको सर्वाङ्गीण विकासका लागि आगामी दिनमा पनि निरन्तर प्रयास गरिनेछ।

कालिकादेवी माध्यमिक विधालयको उज्ज्वल भविष्य र हाम्रा विद्यार्थीहरूको सफल जीवनका लागि सबैको साथ, सहयोग, सुझाव र विश्वासको अपेक्षा गर्दछु।
धन्यवाद !


अध्यक्ष
विद्यालय व्यवस्थापन समिति
कालिकादेवी माध्यमिक विधालय